*भोजपुरी गीत*
*बताव कईसे आगे बढ़ब*
पढ़ब नाहीं ते का करब
बताव कईसे आगे तूं बढ़ब
आपस में अइसे जब लड़ब
बताव कईसे आगे तूं बढ़ब
ए फ़ॉर एप्पल,चाहे अ से अनार हो
दू अउरी दुई मिली तबे होई चार हो
जबले ईयादि नाहीं करब
बताव कईसे आगे तूं बढ़ब
पढ़-लिखि लेब राजा बाबू कहईब
करब नोकरिया नीमन दुलहिनि पईब
गांजा-दारू पी के हिलत चलब
बताव कईसे आगे तूं बढ़ब
माई-बाबू,गुरुजी के बतिया तूं मान
जइब इस्कूलवा में तबे मिली ज्ञान
रहब निरक्षर ते सतईब
बताव कईसे आगे तूं बढ़ब
राजेश निषाद हिंदुस्तानी
महराजगंज, उत्तर प्रदेश
8052558880
©®
0 टिप्पणियाँ