श्याम कुँवर भारती (राजभर)कवि जी द्वारा#

भोजपुरी मुकतक – 

बच के रइहा |

चली ना चाल ये राजा तनी बच के रइहा |

बाजा दिहे जवान बाजा तनी बच के रइहा |

मारी मूक्का तोर दिहले कमर जान जाई |

रहा दूर मिली घाव ताजा तनी बच के रइहा | 

राफेल 

देखावा न बम गोला राफेल हमरो आ गईल |

टुकी टुकी टूट जईबा टाइम तोहरो आ गईल |

केहु के कंधा केहु के बंदूक चीन पाक मिताई |

सकबा ना चीन भारत जवान सगरो आ गईल | 

चीनवा के कीमा 

हम जाइब माई देश सीमा सेनवा भर्ती करा दे |

हम बनाइब चिनवा के कीमा टोपी वर्दी बना दे|

चाहे बरसे आग बरफ गोला सिमवा प ठाड़ रहब |

फुलत बा छप्पन इंची सीना तनी जल्दी करा दे | 

हिंदुस्तान भोजपुरीया |

काहे दुधवा पियवलु ये माई हम जवान भोजपुरिया |

हमके भेजतु सिमवा बनती हम कपतान भोजपुरिया |

राजपूत सिक्ख गोरखा रेजीमेंट हमरे देशवा के बाड़े |

हमरो बनी रेजीमेंट कहाई माई हिंदुस्तान भोजपुरीया | 

श्याम कुँवर भारती (राजभर)

कवि /लेखक /गीतकार /समाजसेवी 

बोकारो झारखंड