आवा आवा ये माइया अब होई गईले देरवा |
तोहरा दरस भारती बहावे आँख लोरवा |
आवा आवा ये माइया अब होई गईले देरवा |
सागरो नगरिया तोहके घूमी घूमी खोजली ,
तोहरे के जनली माई ,तोहरे हम पूजली
आके अपने बेटवा लगावा केवनों ओरवा |
आवा आवा ये माइया अब होई गईले देरवा |
हम है अनाड़ी माई भूल माफ करिहा
रोग दुख भगाई माई सब साफ करिहा |
अबोध बलकवा मईया , उठाला अपने कोरवा |
आवा आवा ये माइया अब होई गईले देरवा |
दुर्गा भवानी माइया काली तू कहालु ,
शारदा भवानी मइया लक्ष्मी तू भूझालू |
अमरित पिलादा हमके आके हमरो ठोरवा |
आवा आवा ये माइया अब होई गईले देरवा |
श्याम कुँवर भारती राजभर
,बोकारो, झारखंड
0 टिप्पणियाँ