मोरे पिया
करवा चौथ के व्रत करब हम
लहंगा हमरा दिलवा दे पिया
चुनरी सुंदर लाल गुलाबी सुंदर
गोटा सितारा से सजा द पिया।
पहिनब चूड़ी लाल पियर
कंगना भी दिलवा द पिया
लहठी लेई द सुंदर-सुंदर
मोती से जड़वा द पिया।
रूप सजे लहरदार लहरिया
झुमका हमरा दिलवा द पिया
टीका सुंदर चम चम चमके
बचवा से सजाई द पिया।
गिरमल हार नौलखा वाला
सोना के दिलवा द पिया
सीकरी लेदर पातर छितर
लॉकेट लरिया लगवा द पिया।
सगरी छम छम नाचूं सजनवा
पायल हमरा दिलवा द पिया
रुनझुन शोभे घरे अंगनवा
बिछुआ भी पहना द पिया ।
मेहंदी रचाईब बेल बूटी से
अंगूठी हमरा दिलवा द पिया
बाजूबंद बड़ शोभे सैया जी
करधनियां भी चमका द पिया।
सबसे बढ़कर श्रृंगार प्यार है
दिल में हमरा बसा ल पिया
हम रहीं तोहर तू रह हमर
इतना वादा निभा ल पिया।
ना कौनों चाहीं सोना चांदी
हीरा मोती ना चाही पिया
साथ रहे जन्मों जन्म के
करवा चौथ मनाईब पिया।
रजनी शर्मा 'चंदा'
रांची,झारखंड,
0 टिप्पणियाँ